السلام عليكـم ورحمة الله وبركاته
حبيت اشارككـم بأبيـات متواضعه
اتمنـى ان تنال رضـاكـم ..
دسيت جرحي تحت الضلوع واخفيتـه
قلت آصبر دام ان العمـر فانـي
مرت عليه السنيـن وخافقـي بيتـه
يقتات نبضي ويشـرب نهر شريانـي
أحيان احسـه مثـل طفلـي وربيتـه
واحيان كنـي أنا طفلـه وربانـي
كم ليلة من ليـال العمـر.. غنيتـه
وكم ليلة من ليال الوجـد... غنانـي
البارحـة والدمـوع تصبنـي جيتـه
قلـت الصبر مـُر ووجاعي تبـلانـي
ياحارس الحلم وأين الحلـم وديتـه؟
طال أنتظاري وعمـري راح ماجانـي
ناديت باقصى الخفوق الحلـم ناديتـه
واسمع صدى صوت حلمي قبل يجفاني
همست باسمه وكف الشـوق مديتـه
قلت التمس لي طريق وغيبه احزانـي
قدمت له باقـة اشواقـي وضميتـه
مثـل المطر زار صحراء العمر واحياني
صحاني الحزن مدري الحزن صحيتـه
واسمعت جرحي يغنـي ثـم نادانـي
ياحارس القلب كـان الحلـم لاقيتـه
علمه انا كيف بعـده حزن افنانـي
قل له بقلبي وطـن والسـر خبيتـه
ما حـدٍ درى بـه ولا حـدٍ دل
عنوااااااااانـي
7
7
7
>وسلامتكـم<