لاهنت ياراس الرجاجيل

لاهنت ياراس الرجاجيل لاهنـت


لاهان راس فى ثرى العود مدفـون


والله ماحطك بالقبر لكـن أمنـت


باللي جعل دفن المسلمين مسنـون


منزلك ياعز الشرف لـو تمكنـت


فوق النجوم اللي تعلت على الكون


سكنت دار المجد ياشيخ وأسكنت


شعبك معك فى منزل العز ممنـون


صنت العهد ياوافى العهد ماخنـت


علمتهم وشلون الاشراف يوفـون


كم ظالم عاداك واعفيت واحسنت


واخلفت ظن اجموع ناس يظنـون


شلت الامانه حافظ مـا تهاونـت


شفنا بك رجال على النفس يقوون


ياللي طلبه الملك بالحـب زينـت


عرشك بتاج قلوب شعب يحبـون


لونت تاج الملك ما قـد تلونـت


ماغرتك دنياك ماصـرت مفتـون


بالزهد والمعروف والصبر كونـت


منهاج فيصل منهج اللي يعدلـون


تلفتت روس المخاليق ويـن أنـت


وين العظيم وعود الشوف مطعون


كم خافق وقف عقب ما تكفنـت


وكم ناظر ذوب سـواداه محـزون


لو شفت حال الناس عقبك تبينت


مقدار حب الناس للـي يـودون


مما بقلبي قلـت يابـوي لاهنـت


والانت فوق القول مهما يقولـون